You are currently browsing the monthly archive for July 2008.

முகமற்ற அந்த மஞ்சள் விளக்கில்
உடல்வருடும் என் பார்வைக்குபதிலாய்
எதைஎதையோ சொல்லிக்கொண்டிருந்த உன் கண்களை மூடிக்கொண்டாய்
சில முன்னேற்றங்களின் முடிவாய்…
திடுக்கிட்ட 7 மணி விழிப்பில் ஏமாற்றம் மட்டுமே எஞ்சியிருந்தது.
நாள்முழுவதும் வந்துபோகும் எண்ணங்களை என்னசெய்ய
நீ இல்லாத நேரங்களில்!

Advertisements

நிசப்தநேரங்களில்
வந்துபோகும் உன் எண்ணங்களே கனத்த சத்தமாயிருக்கிறது
உன் இழப்பின் அடர்த்தியை விடவும்
உன் ஞாபகங்களின் இறைச்சல் ஜிவாளைட்டு எரிந்துகொண்டிருக்கிறது
உன் ஞாபகம் நிறைந்த பாடல்களை
கேட்கவும், நிறுத்தவும் முடியவில்லை
உன் கிருமி தாக்கிய உறுப்பாய் என் மனமும் எண்ணங்களும்.
மறக்கமுடிந்த நினைவாய் ஏனில்லை நீ?

உன் பயணச்சீட்டு
உன் எச்சில் பருக்கை
நீ சீவிய சீப்பு
நீ பிடித்த பேனா
நீ சொல்லும் ‘All the best’-களை
சேகரித்த பின்னொருநாளில் மணம்முடித்தோம்.
சில வருட கொஞ்ஜல்களின் பின் இப்போதெல்லாம்
ஒரே வீட்டிலிருந்தாலும்
நம்மிருவருக்குமான நேரம் மெல்ல இறந்துவிட்டிருக்கிறது
வேலைகள் முடிந்தபின்னும் ஏதோ வேலையில் நான்.
பேச நேரம் இருந்தாலும்
தலைப்பு நினைவிலில்லாத புத்தகத்தில் என் கண்கள், மனம் வேறெங்கோ!
என்மீது உனக்கான உமிழ்தல்கள் இன்னும் அதிகமிருக்கலாம் அல்லது
என்னை உருக்கிவிடும் அமிலத்தை
உன் மனம் உருவாக்கிக் கொண்டிருக்கலாம்.
மரத்தின் காய்ந்த இலையாய் ஒட்டிக்கொண்டிருக்கிறது
எப்படியோ பழசாகிவிட்ட நம் உறவு!
காதலின் ஊடல்களைவிட
அந்தரங்கத்தின் வலி மிகுந்தது நம் திருமணம்.

Advertisements

Third eye

Stat

  • 10,705 visitors

Visitors

Visitors